Ndeshja mbyllëse mes Flamurtarit dhe Tiranës është i një rëndësie të madhe për të dyja ekipet, që kanë qëllim të kapin kupat e Europës. Gjithashtu për Tiranën është një ndeshje e një epoke të re, pasi Ardian Mema do të ketë ndeshjen e parë në pankinë e Tiranës.
Për këtë arsye, FSHF ka vendosur një gjyqtar me shumë eksperiencë në drejtimin e kësaj ndeshje, duke ia besuar sfidën kryesorit Laver Alla. Asistentë të tij do të jenë Ridiger Çokaj dhe Edlir Malo, ndërsa gjyqtar i katërt është caktuar Ardian Beqiri.
