Interi ka në plan të transferojë në “San Siro” portierin francez të PSG-së Alphonse Areola. 25-vjeçari shihet si alternativa më e mirë për t’i zënë vendin vitin e ardhshmë “gardianit” aktual të Interit Samir Handanovic, i cili ka hyrë në moshën e pensionit.
Lajmi jepet nga e përditshmja e njohur italiane “Corriere dello Sport”, e cila thekson se zikaltërit duhet të paguajnë te kampionët në fuqi të Francës 25 milionë €.
Muaj më parë përflitej se edhe portieri i Shqipërisë Thomas Strakosha ishte njëri prej kandidatëve potencialë për të pasuar Handanovicin te Interi, megjithatë deri në fund të këtij sezoni, mund të ndodhin shumë ngjarje dhe çdo gjë duhet t’ia lëmë kohës.
