Duket se lëvizja e krokodilit gjatë një goditjeje dënimi është kthyer në “modë” në futboll. Pas lojtarit Marselo Brozoviç që e bëri këtë veprim në ndeshjen me Barcelonën në Champions, këtë herë e ka bërë edhe sulmuesi i Lacios Çiro Imobile.
Duket se Imobile është inspiruar nga Brozoviç dhe gjatë ndeshjes me Spalin ai e ka bërë këtë veprim kur kundërshtarët po bënin një goditje dënimi. Kjo lëvizje është kthyer virale në rrjete sociale dhe është komentuar shumë. Ndërsa së fundmi edhe vetë Brozoviç para disa ditësh postoi një foto i veshur si krokodil.
