Mbrojtësi i Liverpool-it dhe i ekipit kombëtar holandez, Van Dijk, i cili i kushtoi klubit nga “Anfield” plot 85 milionë euro, është protagonisti i kësaj videoje “virale”, që po bën me shpejtësi xhiron e botës përmes rrjeteve sociale dhe mediave. Në të evidentohet fuqia e madhe e hedhjes në ajër për topin, apo siç njihet ndryshe në futboll, lufta ajrore.
Sikurse duket edhe në video, e cila është “riprodhuar” 700 mijë herë vetëm në Twitter, gjiganti holandez ia del ta godasë topin e varur në një lartësi prej 3 metrash nga dyshemeja e një salle force të mbyllur. Futbollisti në fjalë ka gjatësinë prej 193 cemetra, çka do të thotë se shkëputja në ajër e tij është plot 107 centimetra.
Pra, më shumë se një metër. Sikurse duket, jo më kot Van Dijk është mbreti i ajrit në futboll, jo më kot është mbrojtësi më i shtrenjtë në histori, jo më kot i ka dhënë siguri të jashtëzakonshme Liverpool-it, që sezonin e kaluar mbërriti deri në finalen e Ligës së Kampionëve.
😯 Tremenda demostración de salto de Virgil Van Dijk. De otro planeta…
📹 @DaveOCKOP pic.twitter.com/Q1cEdqXLk9
— Sphera Sports (@SpheraSports) November 16, 2018
