Po luhet në stadiumin “Fadil Vokrri” ndeshja midis Kosovës dhe Azerbajxhanit e vlefshme për Ligën e Kombeve. 1 pikë i çon “Dardanët”në fazën tjetër dhe kjo do të ishte historike. Trajnerët kanë bërë publike edhe formacionet zyrtare. Në portë do të startojë Muriç, futbollist i Mançester Sitit.
Ndërkohë edhe Azerbajxhani ka një shans për kualfikimim nëse arrin të mund Kosovën sigurisht. Ekipet ndodhen në vendin e parë dhe të dytë , përkatësisht me 11 pikë Kosova dhe 9 Azerbajxhani. Më poshtë formacionet zyrtare:
LIVE| Kosovë – Azerbajxhan 1-0
46′ Starton pjesa e dytë.
45+1′ Mbyllet pjesa e parë. Kryesojnë “dardanët”.
45′ Akordohet 1 minutë shtesë
42′ Aksion i bukur nga lojtarët e Kosovës, Berisha jep një top të bukur për Kolollin. Ky i fundit goedet portën, por topi devijohet në goditje këndi.
40′ Rrezikojnë azerët me një goditje nga jashtë zone, Muriq tregon klasin e tij.
39′ Tentojnë azerët me një goditje këndi, por largon Aliti.
29′ Niset Berisha , me atë goditje nga faulli, krijon iluzionin e golit.
25′ Përsëri Vojvoda kërkon Rashicën në zonë, por përsëri e vëmendshme mbrojtja e Azerbajxhanit.
24′ Bukur Vojvoda, kërkon Muriqin në zonë, largohet topi nga mbrojtja e azerëve.
14′ Nisen në kundërsulm të shpejtë azerët, por thyeht bukur ai aksion nga Rrahmani.
13′ Tenton përsëri Kosova me Arbër Zenelin, por topi i hedhur në zonë shëtit gjithë panoramën e portës. Asnjë lojtar i Kosovës nuk u gjend në pozicion.
10′ Duartrokitje për legjendën Fadil Vokrri. Duartrokitje këto që po kthehen në traditë te dardanët.
8′ Ndizet sfida. Lojë e fortë në mesin e fushës. Ndërhyrje të rrezikshme nga lojtarët e Azerbajxhanit.
2′ GOOOOOL Kosova 1-0. Një super goditje nga jashtë zonës nga Arbër Zeneli i cili përfundon në cepin e djathtë të portës së mbrotjur nga portieri i Azerbajxhanit
1′ Ka staruar ndeshja.
