Milan po kërkon një sulmues të denjë, të paktën deri në fundin e sezonit.
Sipas asaj që raporton “Corriere dello Sport”, Leonardo nuk po qëndron duarkryq.
Objektivi i kuqezinjve është Aleksandër Pato. Braziliani 29-vjeçar ka treguar stabilitet në sezonet e fundit me Tianjin Quanjian në Kinë. Ai ka një kontratë deri në dhjetor 2019 dhe në 2 kampionatet e fundit ka shënuar 30 gola.
Klubi kinez do të tentojë ta bindë, por Milan është një dashuri e vjetër për të.
Rikthimi i Patos duket i mundshëm, pasi kuqezinjtë nuk do të shpenzojnë shumë për shkak të “Fair Play-t” financiar dhe sulmuesi nuk është nga ata që kushton shumë.
