Lojtari shqiptar, Kristi Qose duket se nuk do t’i ndahet më paraqitjeve të mira që po bën me skuadrën e Ruzomberok në Sllovaki. Qose arriti që të shënonte gol për skuadrën e tij në ndeshjen kundër skuadrës së Dunjaka Streda.
Me këto paraqitje të mira Qose është zgjedhur që të jetë përsëri në formacionin e javës. Megjithatë ajo që mungon për Qosen është një ftesë e munguar nga Kombëtarja. Lojtari ende nuk e ka marrë, por kjo rrugë shumë shpejt do e çojë drejt Kombëtares.
