Bayern nuk po kalon një moment të mirë dhe barazimi 1-1 i marrë kundër Freiburg në ndeshjen e fundit të kampionatit i ka dërguar bavarezët katër pikë larg Borussia Dortmund, që po kalon një moment të shkëlqyer nën drejtimin e Lucien Favre.
Barazimi me Freiburg është shoqëruar me polemika brenda Bayern-it, por këtë herë kritikat kanë ardhur nga bashkëshortja e një prej futbollistëve.
Bëhet fjalë për Lisa Miller, gruaja e Thomas, i aktivizuar nga Kovac vetëm në minutën e 70-të të ndeshjes kundër bardhezinjve. Një zgjedhje që nuk është pëlqyer aspak nga zonja, e cila ka shkruar në Instagram:
“Janë dashur 70 minuta që ta kuptonte…”.
Muller është pyetur në lidhje me këtë në përfundim të ndeshjes dhe ka thënë: “Gruaja ime nuk ka bërë një gjë të mirë, por nuk mund të bëjë asgjë. Thjesht më do, çfarë mund të bëj unë?”.
Ka qenë më i prerë komenti i Kovac: “Nuk kam asgjë për të thënë në lidhje me këtë”, ka thënë trajneri kroat.
