Presidenti i Realit, Florentino Perez, është i dëshpëruar për ta marrë belgun në “Santiago Bernabeu”, me qëllim që të zëvendësojë më në fund Cristiano Ronaldon. Përveç shifrave të majme financiare, kreu i klubit të bardhë është gati të përfshijë edhe lojtarë të lakmuar nga mjaft klube, sikurse është rasti i Asensios, për të ndihmuar në dakordimin me Chelsea.
Megjithatë, asnjë marrëveshje nuk ka gjasa të përfundojë në janar, pasi trajneri i Real Madridit, Santiago Solari, është një tifoz i Asensio dhe nuk është gati ta shohë atë duke u larguar në mes të sezonit.
Ndërkohë, Chelsea përballet me një luftë për të marrë shërbimet e mesfushorit të Benfica, Joao Felix. Klubi portugez i ofroi atij një kontratë të re, me një klauzolë lirimi prej 105 milionë paund, sipas “Mirror”. Trajneri i bluve të Londrës, Maurizio Sarri, është një tifoz i madh i 18-vjeçarit, i cili e ka parë veten në ekipin e parë të Benfica, këtë sezon.
