Finalja e Copa Libertadores mes Boca Juniors dhe River Plate është vendosur për t’u luajtur më 8 ose 9 dhjetor. Vendi ku do të zhvillohet ndeshja nuk është vendosur akoma, por një gjë është e sigurt që nuk do të luhet në territorin argjentinas.
Lojtarët dhe stafi i Boca-s kanë vuajtur me pasojat e sulmit të tifozëve të River drejt autobusit dhe CONMEBOL ka vendosur që ndeshja të mos zhvillohet në El Monumental.
Diskutimet kanë qenë konstante që prej ditës së diel, për sa i përket vendit ku do të zhvillohet ndeshja. Pas një takimi në zyrat qendrore të Federatës në Paraguai ditën e martë, është vendosur data për ndeshjen e kthimit.
“Është vendosur se ndeshja do të luhet të shtunën më 8 ose të dielën më 10 dhjetor jashtë territorit argjentinas,” shkruhet në deklaratën e presidentit të CONMEBOL Alejandro Dominguez.