Për Jurgen Klopp është një futbollist tepër i rëndësishëm, sidomos kur aktivizohet në momentin e duhur të një ndeshje. Dhe, siç duket, edhe këtë herë, gjermani ka zgjedhur pikërisht të hedhë në fushë shqiptarin atëherë kur duhej në sfidën Liverpool-Manchester United.
Në vend të Keita në minutën e 70-të, i janë dashur 3 minuta që të shënojë golin e 2-1, pasi ndeshja ishte bllokuar në 1-1. Një goditje e devijuar, ashtu si 8 minuta më pas, kur sërish Shaq, brenda zonës, ka gjetur një tjetër devijim dhe ka realizuar, duke çuar në 3-1 shifrat dhe heshtur Jose Mourinhon.