Sa vlen Champions League në futbollin aktual? Ka lojtarë që thonë se vlen më shumë se Kupa e Botës dhe Fenomeni Ronaldo nr lidhje me këtë çështje lëshon një deklaratë provokuese për futbollin modern, duke folur për mediat meksikane, pasi ishte në Meksikë në cilësinë e ambasadorit të Champions League.
“Kur nis himni i Champions League lojtarët e bëjnë në brekë nga frika. Më pas nis ndeshja dhe relaksohen”.
Ronaldo, autor i 362 golave në karrierë, nuk e ka fituar kurrë Champions League por ka fituar 2 Kupa Botë dhe kaq mjafton.
“Futbolli ka ndryshuar, shpresoj që lojtarët të jenë sa më të ndershëm, brenda e jashtë fushe. Më pas mendojnë arbitrat për të ndëshkuar simuluesit”.
Ronaldo flet edhe për një tjetër legjendë të futbollit, Kristiano Ronaldo: “Ai meriton gjithçka, është futbollist i jashtëzakonshëm”.
