Juventusi ka mposhtur mes drithërimash Sampdorian në takimin e vlefshëm për javën e 19-të të Serisë A. Dopieta e Kristiano Ronaldos riktheu te fitorja skuadrën bardhezi pas barazimit në transfertë ndaj Atalantës.
Vetëm 2 minuta i mjaftuan yllit portugez për të gjetur golin e avantazhit, teksa me një goditje në hyrje të zonës mposhti portierin kundërshtar. Miqtë vendosën baraspeshën në pjesën e parë me të përhershmin Fabio Kuajarela që shënoi nga pika e bardhë e penalltisë.
Pjesa e parë u mbyll në barazim 1-1. Në të dytën ishte përsëri Ronaldo që në minutën e 65-të goditi saktë nga pika e bardhë e penalltisë duke vulosur rezultatin 2-1.
Me fitoren e sotme, Juventusi u ngjit në kuotën e 53 pikëve, ndërkohë portugezi shkoi në kuotën e 14 golave, duke parakaluar polakun Piatek.
