Qëndrimi i Jose Mourinho jashtë botës së futbollit mund të zgjasë shumë shkurt.
Trajneri portugez që u shkarkua nga Manchester United, shumë shpejtë mund t’i rikthehet futbollit, duke u ulur në stolin e një skuadre të madhe.
Është Bayern Munich që dëshiron të angazhojë trajnerin 50 vjeçar, për të zëvendësuar trajnerin aktual Niko Kovaç.
Lajmi bëhet i ditur nga ‘Don Balon’, që shkruan se bavarezët po përgatiten për ndryshime të mëdha në skuadër, duke filluar nga trajneri e deri të disa lojtarë.
Ndryshimet do të fillojnë me largimet e veteranëve Arjen Robben dhe Franck Ribery, për të vazhduar me Thomas Muller i cili është larg formës së mëparshme, pa harruar edhe Javi Martinez, Jerome Boateng dhe Mats Hummles.
Transferimi i parë i Jose Mourinhos te Bayern Munich mund të jetë Lucas Hernandez i Atleico Madrid, për të cilin gjermanët do të paguanin deri 80 milionë euro.
