Ish-trajneri i Juventus dhe Real Madrid, Fabio Capello, i ka thurur lëvdata mesfushorit të Juventus-it, Rodrigo Bentancur, duke e quajtur atë një mesfushor të kompletuar.
Capello ishte në tribunë në ndeshjen e së premtes të luajtur mes bardhezinjve dhe Inter-it dhe, ndërkohë që goli me kokë i Mandzukic i dhuroi fitoren “Zonjës”, performanca e Bentancur ishte çelësi i fitores 1-0 kundër zikaltërve, sipas ish-trajnerit të kampionëve të Italisë në fuqi.
“Ai është një mesfushor i kompletuar, ka cilësi të shkëlqyera. Juventus ka blerë ‘Tardelli-n e ri’, duke parë karakteristikat e tij. Isha në stadium dhe më ka befasuar”.
