Trajneri i Juventusit Massimiliano Allegri ka insistuar duke thënë se gara për titull ende nuk ka përfunduar në Serie A.
Juventusi nesër e pret në shtëpi Interin në kuadër të xhiros së 15-të në Serie A, dhe aktualisht është në krye të tabelës me 40 pikë, tetë më shumë se Napoli në pozitën e dytë.
“Nesër do të jetë një ndeshje e bukur dhe e rëndësishme, është derbi i Italisë”, ka thënë Allegri.
“Ndeshja është si një ndeshje në Ligën e Kampionëve. Ne do të përballemi me një skuadër që është rritur shumë në kohën e fundit”.
“Interi dhe Napoli janë rivalët tanë më të mëdhenj. Juventusi ende nuk e ka fituar ligën e Serie A-së, është një rrugë e gjatë deri në fund”.