Barcelona është vënë në ndjekje te mbrojtësit belg të Mançester Sitit, Vinsent Kompani. Veterani 32-vjeçar është kapiteni i Mançester Sitit ka kontratë me klubin deri në fund të këtij viti dhe Barcelona e kërkon ta marrë lojtarin me parametra zero.
Drejtuesit e Sitit po bëjnë gati për të hyrë në negociata me kapitenin e tyre për të rinovuar kontratën dhe për ta zgjatur atë. Edhe pse lojtari ka shfaqur shumë probleme me dëmtimet kohët e fundit, gjë që është bërë shumë problem për aktivizimet e tij në fushë, Barcelona e kërkon atë, sepse do të ishte një ujdi e mirë të kishin mbrojtësin në kontigjenin e tyre, për faktin se mund ta marrin me parametra zero.
