Lojtari i Kamzës, Claudio Bonani është shprehur për “Supersport” pas barazimit 0-0 me Laçin se Superliga është shumë e fortë dhe e krahason me Serinë B në Itali.
“Jam i kënaqur. Sot kemi luajtur shumë mirë, edhe në fazën mbrojtëse kemi bërë mirë. Kemi qenë një skuadër kompakte. Në të gjitha ndeshjet që kemi luajtur, nuk e meritojmë këtë vend ku jemi tani. Në fund jam i sigurt se nuk do të jemi në këtë renditje, sepse i kemi cilësitë e duhura, duhet të japim maksimumin në stërvitje. Është një kampionat që mund ta krahasojmë me Seria B, kërkon shumë cilësi dhe gjendje fizike”, është shprehur Bonani. Kujtojmë që Bonani është krijuar si lojtar tek akademia e Milanit.
