Giuseppe Marotta pritet të prezantohet pas ndeshjes me PSV-në si pjesë e stafit të Interit, ndërsa Gabigol do të jetë një nga çështjet e para me të cilën do të duhet të merret.
Kjo pasi sulmuesi brazilian do të rikthehet në Milano më 7 janar, këtë herë me statusin e golshënuesit më të mirë të kampionatit brazilian dhe do të kërkojë që të stabilizohet në Europë.
Shumë klube kanë kontaktuar me stafin e futbollistit, për të marrë shërbimet e tij pas janarit, por thuajse të gjitha ofrojnë vetëm huazim me të drejtë blerjeje, formulë të cilën Interi nuk e ka fort për zemër.
Zikaltrit nuk do të pranonin të hiqnin do të nga kartoni i sulmuesit pa një shifër minimale prej 22 milionë eurosh, por mediat italiane raportojnë se tashmë me Marottën situata mund të ndryshojë.
Ish drejtuesi i Juventusit njihet për “dashurinë” ndaj elementëve të rinj dhe ka sugjeruar që Gabigol të mbetet zikaltër, ndërsa ka propozuar një huazim 6-mujor në Serinë A, me qëllim që të luajë rregullisht dhe të jetë gati për Interin e sezonit të ardhshëm.
