Arsenali do të tentojë ta fillojë vitin 2019 në mënyrën më të mirë të mundshme duke siguruar fitore në ndeshjen kundër Fulhamit, që pozicionohet në vendin e 19-të në Premierligë. Ndeshja do të zhvillohet në orën 16:00 në stadiumin Emirates.
Megjithatë, forma e Arsenalit gjatë xhirove të fundit nuk ka qenë e njëjtë me atë si më parë, kur kishte arritur një ecuri prej 22 ndeshjeve pa disfatë, pasi që në dy ndeshjet e fundit nuk ka arritur fitore.
Barazimi me rezultat 1-1 kundër Brightonit u ndoq me një disfatë turpëruese në Anfield, ku skuadra e Unai Emeryt u mposht me rezultat 5-1. Megjithatë, Arsenali do të tentojë që në këtë derbi lokal të Londrës kundër Fulhamit t’i kthehet fitoreve.
Këtë gjë nuk do ta ketë shumë të vështirë ta arrijë pasi që Fulhami i ka humbur shtatë ndeshjet e fundit si mysafir kundër klubeve të top gjashtës së Anglisë. As rekordi kundër Arsenalit nuk i jep më shumë besim tifozëve të Fulhamit, pasi që këtë derbi ata nuk e kanë fituar asnjëherë, ndërsa kanë humbur 9 ndeshje nga gjithsej 13 të zhvilluara.
Formacionet zyrtare të të dy skuadrave:
Arsenal:
Fulham:
