“Nëse vazhdojnë kështu, do ta largojnë Hazard-in”, ky ka qenë në thelb mendimi i tifozëve të Chelseat pas humbjes 1-0 të pësuar kundër Tottenham në Carabao Cup.
Por në shënjestrën e tifozëve ka përfunduar një lojtar në veçanti. Viktima e pjesës më të madhe të komenteve, në fakt, ka qenë Marcos Alonso.
Spanjolli, pas një paraqitjeje aspak të mirë, shikohet si përgjegjësi kryesor për lamtumirën e mundshme të Eden Hazard nga Chelsea: “Alonso do ta bëjë të largohet Hazard-in”, ka shkruar një tifoz në Twitter. “Hazard nuk duron dot të luajë me Alonso-n, ndihet keq. Duket qartë në fytyrën e tij”, ka qenë një koment tjetër.
Alonso ka bërë disa pasime të gabuara që kanë shkaktuar zemërimin e yllit belg, i cili nuk ka vendosur akoma se çfarë do të bëjë në fundin e këtij sezoni.
