Ashley Cole është pranë rikthimit sensacional në Angli pas ofertës së mikut të vjetër Frank Lampard, i cili e ka ftuar te Derby.
Trajneri i Derby-t, Lampard, pritet të firmosë me ish-lojtarin e Chelsea-t dhe Anglisë brenda 48 orëve të ardhshme.
Cole, 38, është një lojtar i lirë pasi i përfundoi kontrata me LA Galaxy dhe oferta e Lampard mesa duket i ka pëlqyer lojtarit.
Lampard kërkon ta bëjë pjesë të rëndësishme të ekipit të tij Cole, pasi Max Lowe nuk ka bindur në rolin e mbrojtësit të majtë.
Lowe pritet të rikthehet tek Aberdeen për një tjetër huazim deri në fund të sezonit.
Cole do të sjellë një eksperiencë të madhe te skuadra e Derby-t që po lufton për t’u ngjitur në Premier League.
Cole dhe Lampard kanë fituar titullin e Premier League së bashku në sezonet 2009/10 dhe në vitin 2012 ata ishin pjesë e Chelsea-t që fitoi Champions League.
