Në prag të ndeshjes që skuadra e PSG-së do të zhvillojë të dielën në mbrëmje ndaj Renne në League 1, trajneri Thomas Tuchel u shpreh se më në fund dëshirat e tij po nisin të realizohen. Trajneri i ekipit kampion të Francës tha se marrëveshja me mesfushorin argjentinas Leandro Paredes, që luan me Zenit, është thuajse e mbyllur. Së shpejti ai do të jetë në Paris.
“Që marrëveshja të mbyllet duhet që të hidhen firmat, por gjërat duket se janë në rrugën e duhur. Besoj se brenda ditës së diel do të kemi zyrtarizimin. Kjo do të thotë se jam disi më i qetë, pasi vjen përforcimi i parë në mesfushë. Verratti? Ende nuk po stërvitet me grupin, por është më mirë. Të gjithë po punojnë që ai të rikuperohet sa më shpejt”, tha Tuchel.
