Pep Guardiola, trajneri i Manchester City, duke folur para gazetarëve në konferencë për shtyp, i është përgjigjur edhe pyetjeve në lidhje me merkaton e “Qytetarëve” dhe më konkretisht me situatën e kapitenit të skuadrës, Vincent Kompany. Kontrata aktuale e belgut me Manchester City skadon në fund të sezonit dhe deri tani nuk ka ende tratativa konkrete mes palëve për rinovim.
“Do të më pëlqente të qëndronte pas përfundimit të sezonit. Është kapiteni ynë dhe ndodhet këtu prej 11 sezonesh. Problemi i tij i vetëm është gjëndja fizike. Shqetësimet e shumta nuk e lejojnë që të luajë dy ndeshje të njëpasnjëshme”, deklaroi Guardiola duke dhënë kështu sinjalin më të fortë për largimin e mundshëm të belgut në fund të sezonit.
