Ai e humbi derbin e Madridit të shtunën dhe tani Isco pritet të humbasë edhe ndeshjen e parë të 1/8-ave të Champions League ndaj Ajax.
Mesfushori spanjoll ka zhvilluar disa teste paraditen e së dielës dhe është konfirmuar se ai ka dhimbje shpine dhe qafe.
“Sipas rezultateve të testeve të kryera nga stafi mjekësor i Real Madrid për lojtarin tonë Isco, dhimbja e tij e mesit është diagnostikuar me termin “dorsalgia”.
“Ajo është një dhimbje në zonën e rruazave. Ndërsa ajo e qafës është cervikale.”
Klubi nuk ka dhënë asnjë datë për rikthimin e lojtarit, duke shtuar se do të vëzhgohet nga mjekët nga dita në ditë.