Ndeshja e parë e javës së 20 të Superligës mes Tiranës dhe Teutës ështe mbyllur ne barazim me rezultatin 1-1. Në “Selman Stërmasi” ishin miqtë nga Durrësi ata të cilet kaluan të parët ne avantazh teksa realizuan që në minutën e 2 me Gerhard Prognin.
Një goditje e rëndë për bardheblutë ende pa nisur mirë sfida, por që dalëngadalë morën lojën në kontrroll. Duhet të vinte minuta e 38 për të parë golin e barazimit të realizuar nga anglezi Ngo pas një kombinimi të përkryer me Grent Halilin.
Në pjesën e dytë të dy skuadrat menduan më shumë për mbrojtjen se sa për sulmin dhe ndeshja u mbyll në 1-1. Një rezultat që i shkon më shumë për shtat Tiranës, pasi Teuta e Shkëmbit ka pretendime të mëdha për këtë sezon. Nga ana tjetër bardheblutë ndalen pas 3 fitoreve radhazi.
