Rrezikon të ndërpritet marrëdhënia mes Willian dhe Chelsea. Braziliani prej disa javës është në tratativa me klubin londinez për rinovimin e kontratës së tij, që skadon në vitin 2020, por deri më sot nuk është gjetur ende asnjë marrëveshje mes palëve.
Mësohet se, mesfushori në fakt e ka konsideruar të papërshtatshme ofertën e fundit të paraqitur nga drejtuesit e “Bluve të Londrës”, që parashikonte një rinovim me vetëm një vit të kontratës.
Willian, nga ana e tij kërkon të paktën 3 vite kontratë dhe tani, nëse gjërat nuk do të ndryshonin, mund të marrë vendimin drastik për të mos rinovuar, çka do të çonte në transferimin e tij larg Chelseas që në merkaton e verës.
Braziliani ndodhet te “Blutë e Londrës” që prej vitit 2013, kur e blenë nga rusët e Anzhit. Në eksperiencat e tij të mëparshme regjistrohen edhe Corinthians dhe Shakhtar Donetsk.
