Sulmuesi brazilian Neymar ka pranuar se e ka përjetuar shumë keq dëmtimin e tij që e ka lënë spektator prej disa muajsh te PSG. Nuk ishte hera e parë që sulmuesi dëmtohej e operohej, por këtë herë ai ka treguar se nuk ishte si para Botërorit të Rusisë.
“I dyti ishte më i komplikuar” tregoi futbollisti, duke lënë të kuptohet se ka rrezikuar më shumë. “Herën e parë, ku u dëmtova thashë ‘shpejt, shpejt të operohem se duhet të mbërrijmë në kohë për Kupën e Botës’. Nuk mbeta i trishtuar në një cep si tani”, pranoi futbollisti, i cili parashikohet që të jetë i gatshëm në gjysmën e dytë të muajit prill.
