Të dielën, më 3 shkurt, ekipet kërkimore arritën të gjejnë rrënojat e avionit në fund të detit në Kanalin mes Francës dhe Anglisë, ku në bord ishin futbollisti Emiliano Sala dhe piloti David Ibbotson.
Hetuesit tani do të duhet të përcaktojnë shkakun e rrëzimit të avionit, që ndodhi mbrëmjen e 21 janarit. I intervistuar nga L’Equipe, Xavier Tytelman, një ekspert i aeronautikës i trajnuar për kërkim-shpëtim në det, beson se ish lojtari i Nantes dhe piloti “nuk kishin shans të iknin sepse avioni u përplas me sipërfaqen e detit me 150 km/h.”
Ky specialist i aviacionit detar mendon se: “Përplasja ishte e dhunshme sepse ne gjetëm jastëkë që lundronim shumë larg nga rrënojat e avionit. Dhe kur gjejmë elemente të brendshëm, është provë se përplasja ishte e fortë”.
Më 28 janar, dy ulëse të avionit u gjetën nga një këmbësor në një plazh në brigjet e një ishulli. Nëse piloti i Piper PA-46 Malibu arriti të ulë avionin në ujë me urgjencë atë natë, Xavier Tytelman beson përsëri se shanset për mbijetesë të Emiliano Sala dhe David Ibbotson ishte zero për shkak të temperaturës aktuale në ujërat e Kanalit: “Për mua, deri në momentin e fillimit të hulumtimit nuk kishte asnjë shans për të gjetur të gjallë pilotin dhe pasagjerin e tij”. Ky lloj aeroplani mbytet në vetëm një minutë.
Një operacion nënujor për të gjetur trupin.
Pas zbulimit të rrënojave të avionit, Dega e Hetimeve të Aksidenteve Ajrore (AAIB) shkoi në vend dhe zbuloi trupin e njërit prej dy personave në bord të avionit, në kabinën e avionit, pa qenë në gjendje të identifikonte deri tani. Më 5 shkurt, AAIB njoftoi se do të nisë një operacion nënujor për të nxjerrë trupin. Sipas deklaratës, teknikët e këtij operacioni do të studiojnë fizibilitetin e shkuarjes deri në sipërfaqen e rrënojave të avionit.
