Massimiliano Allegri, trajneri i Juventus, ka vlerësuar paraqitjen e bërë nga skuadra e tij në ndeshjen e fituar 3-0 kundër Atletico Madrid, që i ka dhuruar bardhezinjve kualifikimin në çerekfinalet e Champions League.
“Lojtarët kanë luajtur ashtu siç duhej sot”, ka thënë trajneri italian. “Nuk ishim kaq agresivë në Madrid, por kemi luajtur me shpirtin e duhur mbrëmjen e sotme. Kemi vazhduar të sulmonim pa humbur ekuilibrin në fushën e lojës”.
“Spinazzola luajti një ndeshje të madhe në krahun e majtë. Bernardeschi ka bërë gjithashtu një punë të mirë, por e gjithë skuadra luajti mirë mbrëmjen e sotme, sepse sot na duhej një paraqitje e madhe nga të gjithë për të marrë një rezultat të madh”.
“Mendoj se ka qenë një hap i madh përpara për ne për sa i takon paraqitjes”, ka përfunduar Allegri.
