Manchester United është takuar me përfaqësuesit e Jadon Sancho në lidhje me kalimin e talentin anglez në “Old Trafford”.
“The Sun” ka zbuluar se “Djajtë e Kuq” kanë marrë miratimin e lojtarit dhe tani pritet që Borussia Dortmund të pranojë ofertën prej 70 milionë paund për ta lënë Sanchon të shkojë në Manchester gjatë merkatos së verës.
Për 18-vjeçarin ka ushtruar presion edhe PSG, por kampionët e Francës gjithmonë penalizohen nga dëshira e lojtarëve që e vendosin në plan të dytë. Edhe në këtë rast vullneti i Sancho është që të kthehet në Angli.
Pak ditë më parë Rio Ferdinand publikoi një postim në Twitter ku thoshte se dëshiron ta shohë me United talentin anglez. Vetë Sancho e ka shpërndarë këtë postim, ndërsa e fshiu pak minuta më vonë, pasi e kuptoi se çfarë rrëmuje po shkaktonte.
Nëse ky operacion finalizohet një humbës i madh në këtë mes do të ishte edhe Manchester City që e shiti vetëm për 8 milionë paund te Dortmund sezonin e kaluar.