Qendërmbrojtësi holandez i Liverpool, Virgil Van Dijk, është një nga shtyllat kryesore të skuadrës së Jurgen Klopp, e cila po lufton për titull në Premier League dhe ka ambicie të mëdha në Ligën e Kampionëve. Ai po kompleton një sezon aq të shkëlqyer në mbrojtje, sa Gary Neville tashmë pretendon se “holandezi e meriton të jetë lojtari i vitit”.
Ish-lojtari i Manchester United tha për “Sky Sports”: “E kthej mbas karrierën time dhe shoh lojtarë si Stam, Ferdinand, Pallister… Van Dijk i bën të gjithë shokët e tij të ndihen të sigurt. Ai bën punën e katër mbrojtësve.
Mendoj se Sergio Ramos dhe Varane ishin së fundi mbrojtësit më të mirë, por tani nuk ka asnjë dyshim: Van Dijk i tejkalon të gjithë. Zotëron ajrin, mbron mirë, luan shumë mirë me topin. Pa dyshim, ai është lojtari i vitit“.
