Klubi i Arsenal është i mahnitur nga talenti brazilian i Ajax, David Neres.
Sipas italianes calciomercato.it, Topçinjtë interesohen për transferimin e lojtarit të skuadrës holandeze në merkaton e verës.
Një zbulues talentesh i Arsenal ka udhëtuar në Torino për të parë nga afër lojtarin në ndeshjen e kthimit të çerekfinales së Champions League mes Juventus dhe Ajax.
Shuma e cila thuhet do të bindë Ajax të heqë dorë prej një prej thesareve të klubit është rreth 35 milionë euro.
Gjithsesi, në merkaton e verës situata mund të jetë ndryshe, pasi numri i klubeve të interesuara mund të jetë rritur.
