Cristiano Ronaldo dhe Georgina Rodríguez vendosën të japin shfaqje me “karaoke” nga intimiteti i makinës së tyre. Të dy, futbollisti i Juventusit dhe modelja, ndanë në Instagram kohën e një udhëtimi, në të cilin ishin së bashku me Cristiano Ronaldo Jr. Të gjithë bashkë shfaqen duke kënduar disa nga këngët, që i shoqërojnë gjatë udhëtimeve me makinë.
Në të parën, nga tri videot, që kanë publikuar, CR7 shfaqet duke kënduar një nga klasiket e muzikës britanike, “Change Your Heart” nga The Korgis. Mesa duket, kjo këngë i ka mbetur në mendje nga vitet që kaloi në Premier League, në radhët e Manchester United. Ylli portugez imiton lëvizjet e një pianisti gjatë vozitjes së makinës, ndërsa Rodriguez e shoqëron në këngë, gjatë regjistrimit të momentit.
Më pas mund të shihni Georgina Rodríguez duke kënduar këngën e saj, në këtë rast “Bella” nga Wolfine dhe që përshtatet më shumë me shijet e saj muzikore. Partnerja e portugezit këndon e shoqëruar nga pas prej Cristiano Jr, i cili, gjithashtu, ka momentin e vet me këngën e tretë, “‘Like a Light’, nga Travis Scott dhe Drake. Paraqitja e 8-vjeçarit tregon se vogëlushi e njeh plotësisht këngën e përfshirë në albumin “Astroworld”, nga reperi i Teksasit.
Në total, videot i kanë kaluar 10 milionë pëlqimet. “Këngëtarët”, shkroi Ronaldo, si status të videove në fjalë, ndërsa Rodriguez, nga ana e saj, e bëri të qartë se janë një “familje artistësh”.
Cantores 🎼🎤😜😜🤣 pic.twitter.com/MuQHO71Rvz
— Cristiano Ronaldo (@Cristiano) April 7, 2019