Lionel Messi po largohej nga fusha i gjakosur, për të marrë ndihmë përkatëse mjekësore. Sidoqoftë, kjo gjendje e yllit argjentinas nuk përbënte fare dhemshuri për tifozët e Manchester United. Këta të fundit nuk kanë nguruar t’i këndojnë në kor, në këtë rast, “Viva Ronaldo”. Një tjetër “shuplakë” për kapitenin e Barcelonës, teksa u detyrua të dilte me fytyrën e gjakosur nga kuadrati i blertë i “Old Trafford”
Pasi mori trajtim nga ekipi mjekësor i Barcelonës, në anë të fushës, mbështetësit e “Djajve të Kuq” shfrytëzuan rastin për ta sulmuar Messin, duke i kujtuar rivalin e tij më të madh, CR7, që mbetet idhull në Manchester. Natyrisht, kjo ishte një mënyrë ekstra, përveç atyre në fushën e lojës nga lojtarët vendës, për ta neutralizuar pesë herë fituesin e “Topit të Artë”.
Me siguri, këtë funksion pati edhe goditja e fortë me krahë e Chris Smalling ndaj tij, që i la pasoja në hundë dhe në sy. Në fakt, ndeshja nuk shkoi në mënyrë të përsosur për Messin personalisht, edhe pse u kthye në fushën e lojës, përkundër lëndimit serioz që pësoi.
— TheFootballAddick (@FootballAddick) April 10, 2019
