Partizani u eleminua nga Kupa e Shqipërisë ditën e djeshme pas humbjes në Gjirokastër ndaj vendasve. Megjithatë, kjo nuk ka kaluar në heshtje. Lorenc Trashi ka pasur një përplasje me portierin Shkëlzen Ruçi dhe tifozët vendas. Nëpërmjet një postimi në “Instagram”, anësori i kuq ka sqaruar edhe situatën. Ai tregon se e gjitha ishte një keqkuptim.
“Për të sqaruar çdo gjë që është shkuar, Trashi me Ruçin janë shumë miq. Kur ka mbaruar pjesa e parë, jam afruar te tifozët sepse një nga familjarët e mi ndodhej te ajo pjesë ku disa tifozë filluan të ofendonin dhe për të mos pasur përplasje, doja ti thosha që të largohet nga ajo pjesë e tribunës. Kaq është e gjitha por nga jashtë duket sikur u konfliktova me tifozët, përkundrazi i respektoj ata.” shkruhej në postimin e Trashit.
