Roma është në kërkim të një trajneri rë ri, pasi në fund të sezonit Ranieri do të largohet.
Në kampin verdhekuq, në fillim kërkuan Sarrin dhe më vonë Konten, por të dy kanë dhënë një përgjigje negative.
Tashmë klubi ka kthyer kokën nga dy trajnerë të tjerë. Sipas asaj që raporton “Corriere Dello Sport”, Arsen Venger dhe Xhan Piero Gasperini janë në fokusin e romanëve.
Do të jetë shumë e vështirë të arrihet te këta teknikë, pasi Gasperini po bën një punë të shkëlqyer tek Atalanta dhe mund të kërkojë një projekt më ambicioz, ndërsa Venger, nuk dihet se sa mund të pranonte të provonte futbollin italian.
Gjithsesi Roma tenton të bëjë një lëvizje të madhe, që do t’i jepte shumë cilësi kampionatit.