Një video e Jyrgen Klop verën e vitit të kaluar, ku ironizon Barcelonën, tashmë është bërë virale në rrjetet sociale.
Tekniku i të kuqve pyeti disa fëmijë në kuzhinën e një hoteli në Amerikë, se cilën skuadër ata mbështesnin. Teksa gjermani priste që ata të thonin Liverpulin, njëri prej tyre e befasoi duke iu përgjigjur “Barça”.
“Barça? Kush është Barça?”, reagoi me shaka Klop. Ky reagim epik i tij është shndërruar në viral, pas fitores madhështore ndaj katalanasve mbrëmjen e djeshme.
