Simeone beson se Griezmann do të vazhdojë të qëndrojë në “Wanda Metropolitano”.
Trajneri i Atletico Madrid, Diego Simeone, ka folur në lidhje me të ardhmen e Antoine Griezmann në një intervistë të dhënë për “Fox SPorts”.
Është raportuar ditëve të fundit se francezi i ka rënë pishman që i ka thënë “jo’ Barcelonës vitin e kaluar dhe sipas “La Parisien”, ai do të mirëpriste një ofertë këtë verë nga Barça për t’u trasnferuar në “Camp Nou”.
Megjithatë, nuk është aspak i shqetësuar Simeone lidhur me këto spekulime.
Ai është i bindur se sulmuesi francez do ta respektojë kontratën dhe do të qëndrojë në “Wanda Metropolitano”.
“Antoine është kapiteni ynë, nuk më shqetësojnë aspak zërat në lidhje me të ardhmen e tij”, ka thënë trajneri argjentinas”, u shpreh Simeone.
“Ka gjithçka që i duhet për të vazhduar rritjen e tij këtu dhe ka dy vite të tjera në kontratë. Nëse do të mendoja se do të largohej, nuk do të flisja mirë për të”.
28-vjeçari ka bërë 43 paraqitje deri më tani këtë edicion për Atleticon dhe ka shënuar 21 gola.
