Luciano Spalletti nuk do të jetë trajner i Interit sezonin e ardhshëm, pavarësisht se fitorja dramatike ndaj Empolit u siguroi zikaltërve pjesëmarrjen në Champions.
Eksperienca e tij në krye të skuadrës zikaltër mund të konsiderohet e mbyllur.
Mbeten për t’u vendosur vetëm disa detaje të prishjes me marrëveshje të kontratës.
Drejtuesit e Interit po përgatiten për një zyrtarizuar rrugëtimin e ri me Antiono Conten trajner.
I përket pikërisht ish-trajnerit të Juventusit, Italisë dhe Chelseat të ndërtojë në bashkëpunim me Marottën një skuadër që mund të konkurrojë me bardhezinjtë në Serinë A, të synojë Kupën e Italisë dhe të bëhet protagoniste në Europë.
Mediat italiane raportojnë se është vetëm çështje ditësh që Conte të marrë zyrtarisht drejtimin e Interit, mund të ndodhë që të mërkurën.
Është fakt, që palët kanë rënë dakord dhe kanë mbyllur të gjitha detajet e marrëveshjes.
Trajneri nga Lecce do të ndërmarrë një udhëtim në zyrat qendrore të Suning, në Kinë, për të njohur personalisht pronarin Zhang Jindong, i cili pas fitores me Empolin deklaroi se “do të bëj më të mirën për këto ngjyra!”. Sigurisht më Antonio Conten trajner.
