Fundi i karrierës së Lionel Messit për shumë specialistë do të jetë një humbje e madhe për futbollin.
Mungesën më të madhe do ta ndjejë Barcelona që është duke menduar për zëvendësuesin e Lionel Messit.
Ylli argjentinas në verë i mbush 32 vjeç, ndërsa me Barcelonën ka një kontratë deri në vitin 2021.
Sipas asaj që raporton “Diario Gol”, Barcelona është duke menduar të transferojë Kylian Mbappen i cili shihet si një zëvendësues i mundshëm i Lionel Messit.
Sipas mediave spanjolle, Barcelona do të nisë negociatat me lojtarit duke i premtuar një të ardhme të ndritur në “Camp Nou”.
Blerja e bujshme pritet të kryhet gjatë vitit 2021 atëherë kur talentit francez t’i ngelë edhe një vit kontratë me klubin aktual të PSG-së.
