Liverpool arriti të përmbyste Barcelonën në Anfield në një ndeshje të çmedur. Pas fitores gëzimi nuk u ndal për asnjë moment. Një gjë të tillë e shfaq edhe trajneri Jurgen Klopp i cili dhuroi spektakël në konferencë.
“Këtu në ‘Anfield’ është diçka që të gjithë e dinë, madje edhe kundërshtarët tanë, ky Liverpool nuk ndalon kurrë, nuk pushon.
Ky Liverpool jep gjithçka, në çdo kohë. Ajo që ndodhi sonte, është një përzierje e një skuadre fantastike, dhe një atmosfere sensacionale. Do ishte e shkëlqyeshme nëse do e shpjegonim dot. I thashë djemve para ndeshjes se ishte e pamundur, por e kishim një shans.
Kam parë shumë ndeshje futbolli në jetë, por të fitosh me ekipin më të mirë në botë është e vështirë. Këtu në Angli është ora 22:10, dhe shumica e fëmijëve janë në shtrat. Më falni për gjuhën, por këta djem janë përbindësha, dreqi ta hajë. Gjithçka e bënë lojtarët. Më gjobisni po të doni” – deklaroi Klopp.
