Vedat Muriqi e ka mbyllur sezonin në Turqi në mënyrën më të mirë, duke shënuar dhe asistuar, ndonëse skuadra e tij u mposht 3-2 nga Trabzonspori.
Fillimisht, Muriqi asistoi për Boldrin që realizoi për 1-0 në minutën e 16-të, para se miqtë të përmbysin gjithçka dhe të shënojnë tre gola të shpejtë.
Në pjesën e dytë, Muriqi tregon se është në super formë, teksa shënoi për 2-3 në minutën e 65-të.
Për Muriqin ky ishte goli i 17-të në kampionat dhe në Kupën e Turqisë, teksa ka asistuar edhe 9 herë për shokët e skuadrës.
