Mbrëmjen e sotme do të luhet një nga ndeshjet më të rëndësishme të sezonit në “Camp Nou” mes Barcelonës dhe Liverpulit.
Por, për aktin e parë të gjysmëfinaleve të Ligës së Kampionëve, Liverpuli ka marrë një goditje të madhe. Roberto Firminjo nuk do të jetë në fushën e lojës mbrëmjen e sotme, pasi gjendja e brazilianit nuk u përmirësua.
Raportimet e fundit nga Anglia, bëjnë të ditur se Firminjo nuk do të jetë i gatshëm të luajë asnjë minutë, madje bëhet fjalë të mos jetë as në stol me pjesën tjetër të ekipit.
Mbetet të shohim se cili do të jetë lojtari që do të zëvendësojë brazilianin në majën e sulmit.
