Neymar është ndryshe nga të tjerët jo vetëm në kuadratin e blertë, por edhe në jetën e përditshme.
Braziliani ditën e sotme ka zbarkuar me helikopter në stërvitjen e kombëtares së Brazilit e cila ka nisur përgatitjet për “Copa America”.
Helikopteri i tij është i personalizuar, me kapacitet prej 11 vendesh, “Airbus H-145”, i cili kushton rreth 13 milionë euro.
Sulmuesi brazilian dëshironte që ky mjet personal udhëtimi të ishte tërësisht i zi, por me një shkrim të bardhë, që tregon inicialet e tij.
Kujtojmë që Neymar është rikthyer në stërvitje me “Selecao” megjithëse i është hequr shiriti i kapitenit të skuadrës. Ky rol i është ngarkuar veteranit Dani Alves.
