Trajneri i ri i Inter, Antonio Conte nuk e konfirmon të ardhmen e Icardit me zikaltrit.
Conte në intervistën e tij për ‘BBC World Service’ gjithashtu u pyet edhe për mundësinë e transferimit të Lukakut, shkruan “Sportmediaset”.
Tekniku italian u mundua të japë një përgjigje diplomatike për sa i përket të ardhmes së Icardit, ndërsa për thashethemet e një marrëveshje të mundshme me Lukakun, ai “dribloi” pyetjen e gazetarit.
Icardi? “Unë mendoj se në këtë moment është shumë e vështirë që të flasim për këtë. Do bisedoj me Icardin ditët në vijim”, tha fillimisht trajneri i Inter.
“Sigurisht ne kemi një plan dhe do të tentojmë të përmirësojmë ekipin, por po ashtu është me rëndësi që të kemi ambicie të mëdha”, vijoi Conte.
“Nuk është e vërtet takimet ndërmjet Interit dhe Lukakut, por unë e përsëri është një drejtor sportiv që flet për këtë çështje dhe i përgjigjet pyetjeve për transferimet e verës”, tha trajneri italian.
Antonio Conte është zyrtarisht trajner i Interit, teksa mëngjesin e sotëm ka firmosur kontratën që do ta mbajë për 3 sezonet e ardhshme të lidhur me klubin zikaltër.
