Skuadra e Juventus duket se është e vendosur që të sigurojë shërbimet e yllit të Ajax Amsterdam, Matthijs De Ligt.
19 vjeçari i cili mbron edhe ngjyrat e kombëtares së Holandës është një prej lojtarëve më të përfolur të afatit kalimtar veror deri në këtë pikë.
Skuadra si Barcelona, Juventus e Paris Saint Germain ishin ato që kërkuan me ngulm shërbimet e lojtarit, por së fundmi duket se janë vetëm kampionët e Italisë ata që mbajnë shpresat e gjalla.
Optimizmi në ‘Allianz Stadium’ është rritur me Juventusin që synon të paguajë gjithçka që ta ketë De Ligt në radhët e veta.
‘Goal’ shkruan se Juve janë të gatshëm t’i paguajnë lojtarit deri në 15 milionë euro në vit.
‘Zonja e vjetër’ gjatë orëve të fundit ka pasur kontakte të vazhdueshme me përfaqësuesit e Ajax, por edhe me Mino Raiola.
Mbetet të shihet se kur do të zyrtarizohet e ardhmja e Matthijs De Ligt.
