Futbollisti i Shpresave të Shqipërisë, Lindon Selahi, është transferuar ditën e sotme te skuadra holandeze e Twentes.
Mesfushori 20-vjeçar ishte pjesë e Standart Liezhit, ndërkohë që ka firmosur një kontratë dy vjeçare, me të drejtë rinovimi edhe për një vit tjetër.
Selahi është mesfushor me tipare mbrojtëse, ndërkohë që është cilësuar nga drejtuesit e klubit holandez, si një futbollist me të ardhme të ndritur.
Në prononcimin e tij si futbollist i Twentes, shqiptari u shpreh: “Twente është një klub i madh me një histori të pasur dhe një stadium të madh. Ata janë përsëri në elitën e futbollit holandez. E ardhmja ime është këtu tani dhe dua të jap maksimumin për këtë klub dhe për tifozët”.
