Manchester United ka shfaqur me kohë interesim për talentin e Leicester, James Madison, që këtë sezon realizoi 7 gola në 33 ndeshje me “dhelprat”.
Sipas të përditshmes britanike “Daily Star” trajneri Solskjaer ka kërkuar një takim me lojtarin dhe menaxherin e tij, për të parë nëse ekziston mundësia e këtij transferimi.
Lojtari ka një kontratë deri në vitin 2023 me Leicester, por mund të largohet për shumën e 50 milionë stërlinave.
Maddison është një nga mesfushorët anglezë më premtues dhe në sezonin e tij të parë në Premier League bëri një paraqitje të shkëlqyer.
Për Maddison janë interesuar edhe Liverpool, Tottenham e Manchester City, ndaj trajneri Ole Gunnar Solskjaer kërkon të mbyllë këtë marrëveshje sa më shpejt, për të evituar konkurrencën dhe rritjen e çmimit.
