Të shtunën në orën 20:00 në stadiumin “Fadil Vokrri” do të zhvillohet sfida e yjeve, mes skuadrës së Granit Xhakës dhe Milot Rashicës. Mesfushori i Arsenalit dhe ai i Verder Bremenit kanë krijuar ekipet e tyre dhe do të luajnë përballë njëri-tjetrit, për të dhuruar spektakël për të gjithë dashamirësit e futbollit.
Komuna e Prishtinës e cila është organizatore e kësaj ndeshje ka publikuar edhe emrat e futbollistëve të të dyja skuadrave. Përveç Xhakës dhe Rashicës, do të ketë edhe emra të tjerë nga Përfaqësuesja e Kosovës, ajo e Zvicrës si dhe Kombëtarja shqiptare.
Ermir Lenjani, Mërgim Mavraj, Arlind Ajeti, Albian Ajeti e Visar Bekaj që janë aktiv nëpër përfaqësueset respektive. Ndërkohë që nuk mungojnë as Armend Dallku, Shefki Kuqi, Xhevdet Llumnica, si dhe këngëtaret Ledri Vula e Mc Kresha.
